Ngangsu ilmu ing
dina setu
Pangarepku ngebur
kedhung kang kebak ilmu
Mring guru kang
dak anggep ora ana tatu
Sungkem pangabekti
konjuk dhumateng Gusti, Bapak, Ibu lan Guruku
Kemercike banyu
kendhi bakal dak langeni
Amarga kapingin
weruh
Isine kendhi kang
kebak pangaji
Pangarep suci
murni ing jero kendhi
Pangarepku mung
siji
Aja nganti mungkuri
Marang isine
kendhi kang edi peni
Pitutur,
piweling, lan lakumu
Bakal dak ramut
Bakal dak sebar
kaya dene winih pari ing mangsa rendheng
Bakal dak junjung
dhuwur nganti mabur
Bakal dak tulis
ing ati lan pikirku
Sawunggaling,
des 2011
0 komentar:
Posting Komentar