Wengi kae suminare lintang katon padhang kaya dene rembulan mangsa ketiga
Cacahe pancen akeh ning sing sreg ya mung siji
Pancen beda karo sing liya suminarmu putih suci kembang melathi
Pangaweku wis ora ana daya
Apa salah anggonku nyawang suminarmu kaya wingi-wingi sing daklampahi
Tega tenan mendhung-mendhung kluyuran nutupi endahe suminarmu
Pancen bener dawuhe Bapa!
Gayuhen lintang iku banjur panggonana ing sisih tengenmu
Aja nganti tekane mega nyapu cahya endah ing pinggirmu
Kancanana nganti
suminare musna kagusur mobah-mosike donya
Yen pancene
lintang iki dadi panyandhingku
Aku bakal setya
tuhu ngancani lakumu
Nambahi pepadhang
mring suminarmu
Ngancani nganti
tekane kain mori
Wengi iki kekarepanku
luntur kegusur tekane purnama
Aku mung bisa weneh pandonga
muga lingtang
sing dadi pepeling mring uripku bisa suminar luwih padhang ing sandhingmu
Aja nganti
suminare koilangi
Supaya aku mbesok
bisa nyekseni maneh cahya endah edi peni
Lintang! Pancen
bener pilihanmu, sesandhingan karo mbulan
Dheweke bisa
weneh cahya kang luwih padhang
Aku iki mung
kunang kang ora bisa nambahi pepadhang
Surabaya, november 2011
0 komentar:
Posting Komentar