Aku kangen surga donya
jaman semana
Mlayu nututi layangan
Tanpa mikir pepalang
Dak dirasa sikil tangan
tatu
Mung kelingan kasenengan
kang ora bisa dituku
Kekancan rinaketan muteri endahing jaman
Aku kelingan mitraku!
Apa awakmu uga ngono?
Surga donya jaman semana wis padha musna
Kagusur putering jaman
Kumpul mangan sega
Wengi lunga ngopi
Disambi turu wengi
Suminare nggugah mata
rasa
Wis kari lelamunan
pangeling-eling
Muga paseduluran iki bisa raharja
Masia kagusur musnane mega
Ambere banyu lan jerit tangising manungsa donya
Isih etep ngrembaka ing telenging ati
Ora bisa goyah lan ucul, mitraku...!!!
Surabaya, 12-12-2012
0 komentar:
Posting Komentar