MODEREN

Perang tanpa getih

Jaman sarwa canggih

Gegaman ora jaman

Ora perlu adhep-adhepan

Aling-aling kaca mata

Ora peduli netese banyu kali

Jare kanggo mbelani Ibu pertiwi

Nanging,,

Pesene gusti padha dilali

            Jaman sarwa canggih

            Sesambungan dadi gampang

            Ngubengi cakrawala mung lungguh sila

            Nyebrangi sagara mung sadina

            Menyang kutha-kutha mung nunggang rodha

Jaman sarwa canggih

Butuh tenaga, ora butuh nyawa

Tenaga jaran ora kanggo

Tumekane minyak kang dipuja

Kewan-kewan padha cangkrukan

Ngenteni tekane pakan

Uler-uler padha tetangisan

Kagiles jaman moderen

            Jaman sarwa canggih

            Manuk dali padha kelangan

            Susuh kang kebak pengaji

  Imam Khotib Utomo. (jw 08)