Kertase padha diganyang
Ora perdhuli wernane abang
Padha gripis...
Untune ora gigis...
Kok malah padha mringis
Sing nduwe padha nangis
Njerit-njerit turut dalan
Jebule wis ana sing konangan
Budhal ora sandhalan
Lemahe isih teles
Merga udan sing saya deres
Walange padha ndhekem merga kadhemen
Keweden konangan!
Disuluh nganggo lampu
Jen padhang ora kliru
Miyaki alang-alang sing ngguya-ngguyu
Dijaring nganggo selambu
Liyane padha mlayu
Pencolotan...
Ora ngerti paran
Jen keweden ora mangan tanduran.
Bojonegoro, 28 sep 2012
0 komentar:
Posting Komentar