Ora ngira aku
bisa dadi penguwasa
Lungguh sila kaya
dene raja
Dhuwit wis
dakorat-arit marang wong-wong sing senengane njerit
Gambarku
dipuja-puja merga kepingin dhuwit amba
Swara-swara padha
nganggep aku dewa
Nomerku akeh sing
ngudhoni
Lakuku kaya dene
Suryapati dijaga turut mburi
Omong-saomongku
dituruti merga kuwatir tumekane raja pati
Pancen iki nagari
impi
Dhuwit bisa nuku
nagari
Asu gedhe menang
kerahe
Tapak asmaku
dituku
Tak kira sangu
jebule dhuwit lemu
Aku mbisu...
Ngguya-ngguyu
nyawang wetengku sing saya lemu
Pancen aku mbiyen
wong ndesa ora ngerti isining negara
Mung bisa nyawang
ing kaca sing nyuwara mobah-mosike negara
Saiki wis dadi
penguwasa
Mbaung marang
wong sing dak anggep kanca
Metani wong-wong
sing nduwe dhuwit amba bisa dadi kanca
Adu sungu, adu
kanca, adu negara dak lakoni
Supaya aku tetep
dipuja
Ora peduli
tangise sapi merga dakperes saben wanci
Dakolah dadi
roti...
Sing penting
wetengku wareg
Surabaya,
feb 2012
0 komentar:
Posting Komentar