Wacanen

Dakaturake kagem rama guru S. Bambang Purnama

Isih krungu nganti saiki

Bab kang dak kira ora pati guna

Ngebur dadi abyor

Padhang dalanku

Pikiranku saya tambah jembar

Srawung ora butung

Srawung bisa jluntrung

Maca solah, raga, busana lan rasa

Matur nuwun

Masia mung katon mampir ngombe

Ning banyune nyegeri

Ngilangi rasa ngelak

Kena digawe jaga-jaga

Kena dadi kanca donya

Kena dadi pathokan sinau baping kalbu

Surabaya, 07 Juni 2014

Read More

Kursi

Wis wancine?

Saben limang taun sepisan rebutan

Kok pritungan

Kudu bathi ing mburi

Nanging kok ora ana aji

Ngluruk saben awan

Cumenthel gambar pajangan

Iku jare kanggo dalan

Tulisan dadi suara

Bandha dadi raga

Mung sacuwil kertas iku

Dadi udhu

Dadi lamunan saben awan

Dadi impi saben wengi

Esuke ya tetep mangan pari

Ora mung siji sing lali

Lali marang endahing kahuripan

Anak bojo dadi nelangsa

Parane kulawarga ora tata

Morat-marit

Lamunan tanpa guna

Muspra!!!

Surabaya, 07 Juni 2014

Read More

Gosok

Reged-reged memba Arjuna

Nememplek ndekepi kursine Rahwana

Njaga solah njaga bawa

Njaga raga nata busana

Abang-abang lambe!!!

Lunyu!!!

Regede wis numemplek ora mung golek gaplek

Ngerog susuh-susuh manuk Garuda

Supaya rontog, supaya mabur.

Buyar tata tinata jaman semana

Ulu-ulune padha digawa ngalor ngidul

Amburadul!!!

Reged-regede ayo digosok

Supaya ora mrambat dadi sambat

Digosok nganti ngorok

Dibilas nganti pitung ambalan

Supaya aman!!!

Surabaya, 05 Juni 2014

Read More

Sinau

Kertase wis lecek

Nyecep sari-sari kembang turi

Wernane endah ning rasane rada pait

Diurap karo parutan kelapa

Nduweni rasa

Kembange rada ngrembaka

Pancen ya angel olehe nggayuh

Merga dedege ra jejeg

Penting saiki ngisi suara manca

Ireng putihe werna donya

Wis tau liwat

Wis tau nyambat

Sambat-sesambatan jluntrung nang njero sarung

Tetep kabukak lan kawaca kumpulane kaweruh

Kaamalna lan katularna

Masia dondom-dondom nang kain sisa

Penting ana guna!

Surabaya, 04 Juni 2014

Read More

”Ajur”

  lambeku lambemu lambe bejat

lambe kang isane nyacat

lambe bejat lambene bangsat

donnya ajur merga lambe bejat

ajur, tawur, ngubur,  merga lambeku lambemu

Ajur”, ajur”, ajur saduluran iki merga rungonku rungonmu

Ora cocok karo omongku omongmu

Omongku omongmu ora padha karo apa sing ana ing atiku atimu

Ora eling apa sing diajarne agamaku agamamu

Ora eling apa sing diajarne ibuku ibumu

Ora eling apa sing diajarna guruku gurumu

Ora eling, nglali apa dilali-lali???

elinga, elinga

Urip iku mung sadelok

Aja dirusak ?

Rusak siji rusak kabeh

Mati siji mati kabeh

elinga, elinga

Yen ibumu nglairake awakmu

Kapingin nduwe anak kang sae lair lan batine

elinga, elinga

                        Panjebar.12 apr 10

Babatan, 23 peb 2010

Read More